ရန်ကုန်တိုင်း၊ မင်္ဂလာတောင်ညွှန့်မြို့နယ်၊ သာယာကုန်းရပ်ကွက်၊ နှင်းဆီလမ်း (ယုဇနပလာဇာအနီး) ရှိ ပိတ်လိပ်သိုလှောင်ရာ တိုက်ခန်းများတွင် ယနေ့နံနက် ၁၀ နာရီ ၃၃ မိနစ်က စတင်လောင်ကျွမ်းခဲ့သော မီးလောင်မှုမှာ Level 2 အဆင့်အထိ ရှိခဲ့ပြီး နံနက် ၁၁ နာရီ ၄၂ မိနစ်တွင် မီးငြိမ်းသွားခဲ့ပြီဖြစ်ကြောင်း သိရသည်။ မီးလောင်မှုဖြစ်ပွားရာ တိုက်ခန်းများအတွင်း ပိတ်မိနေသူများကို ရှာဖွေကယ်ဆယ်ရေးလုပ်ငန်းများ ဆက်လက်လုပ်ဆောင်နေပြီး လူမှုကူညီရေးအသင်းများမှလည်း အောက်စီဂျင်ပေးခြင်း၊ ရေနှင့် နှာခေါင်းစည်း (Mask) များ ဝေငှခြင်းနှင့် လူနာတင်ယာဉ်များဖြင့် ကူညီပေးလျက်ရှိကြောင်း သိရှိရပါသည်။
