ပြည်ပကို အလည်အပတ် သွားရောက်တာ ၊ ဘုရားဖူးတာ ၊ ဆေးကုသတာ​ ပြုလုပ်မယ့်သူ​တွေ PV ပတ်စ်ပို့အမျိုးအစားကို ပြောင်းလဲဖို့လိုဟုဆို

ပြည်ပသို့ အလည်အပတ်၊ ဘုရားဖူး သို့မဟုတ် ဆေးကုသရန် သွားရောက်မည့်သူများအနေဖြင့် အလုပ်လုပ်ကိုင်ခွင့် (Work Visa/Permit) မရှိဘဲ OWIC ကတ်ကိုင်ဆောင်ထားပါက နိုင်ငံကူးလက်မှတ်ကို PV အမျိုးအစားသို့ ပြောင်းလဲကိုင်ဆောင်ရန် အလုပ်သမားဝန်ကြီးဌာနက အကြံပြုထားသည်။ ပြည်ပထွက်ခွာခွင့် လျှောက်ထားသူများအနေဖြင့် ရုံးဖွင့်ရက် အနည်းဆုံး ၃ ရက်ကြိုတင်တင်ပြရမည်ဖြစ်ပြီး၊ တင်ပြသည့်စာရွက်စာတမ်းများ (အထူးသဖြင့် စင်ကာပူ Work Permit QR ကုဒ်၊ PR များအတွက် Re-entry Permit နှင့် လေယာဉ်လက်မှတ်) များသည် ရှင်းလင်းထင်ရှားရမည်ဖြစ်သည်။ ဝန်ကြီးဌာနအနေဖြင့် ထွက်ခွာခွင့် တင်ပြချက်များကို နေ့စဉ်စစ်ဆေးတင်ပြပေးနေပြီး၊ ခရီးစဉ်ရက်နီးကပ်သူများကို ဦးစားပေးဆောင်ရွက်ပေးနေကြောင်း သိရှိရပါသည်။