ထိုင်းနိုင်ငံ၊ကန်ချနပူရီခရိုင် လူဝင်မှုကြီးကြပ်ရေးရဲတပ်ဖွဲ့ဟာ သံသယဖြစ်ဖွယ် လွန့်တို့ကားတစ်စီးကို လိုက်လံဖမ်းဆီးရာမှာ ပြင်းထန်တဲ့ စစ်ဆင်ရေးတစ်ခု ပြုလုပ်ခဲ့ပြီး၊ လွန့်တို့ကားကို Talat Ya အနီးရှိ အဝေးပြေးလမ်းမကြီး ၃၂၃ နေရာမှာ နောက်ဆုံးဖမ်းဆီးနိုင်ခဲ့တယ်လို့သိရပါတယ်။ရဲအရာရှိတွေက တံခါးဖွင့်လိုက်တဲ့အခါမှာ ကားထဲ မှာ ကလေးအပါအဝင် အမျိုးသားနဲ့အမျိုးသမီး ရွှေ့ပြောင်းလုပ်သား ၄၈ ဦး ပြည့်ကျပ်နေတာကို တွေ့ရှိခဲ့ပြီး အံ့သြခဲ့ရပါတယ်လို့ဆိုပါတယ်။စစ်ဆေးချက်အရ အသက် ၄၀ အရွယ် မစ္စတာ ဝါချရာဆက် ယာဥ်မောင်းနှင်သူ ဘန်ကောက်လိုင်စင်နံပါတ်အဖြူရောင် တိုယိုတာလွန့်တို့ကားတစ်စီးဖြစ်ကာ ၊အမျိုးသား ၂၆ ဦး၊ အမျိုးသမီး ၁၇ ဦး၊ မှီခိုသူ ၅ ဦးတို့အပါဝင်ဖမ်းမိခဲ့တယ်လို့သိရှိရပါတယ်။ဖမ်းဆီးရမိသူတွေကို ထိုင်းနိုင်ငံ ဥပဒေနဲ့အညီ ဆက်လက်ဆောင်ရွက်သွားမှာလည်းဖြစ်ပါတယ်။
