ထိုင်းနိုင်ငံရှိ ခရိုင် ၃၈ ခုတွင် PM 2.5 လေထုညစ်ညမ်းမှု အန္တရာယ်ရှိအဆင့်သို့ ရောက်ရှိနေ၊ မဟာသာရာခမ်းခရိုင် အဆိုးရွားဆုံးဖြစ်

ထိုင်းနိုင်ငံ၏ Gistdaအေဂျင်စီထုတ်ပြန်ချက်အရ ဇန်နဝါရီ ၁၈ ရက် နံနက်ပိုင်းတွင် အရှေ့မြောက်ပိုင်းနှင့် အလယ်ပိုင်းဒေသရှိ ခရိုင် ၃၈ ခု၌ PM 2.5 ဖုန်မှုန့်ပမာဏမှာ ဘေးကင်းသည့်အဆင့် (၃၇.၅ မိုက်ခရိုဂရမ်) ထက် ကျော်လွန်နေကြောင်း သိရသည်။ မဟာသာရာခမ်းခရိုင်သည် ကျန်းမာရေးကို ပြင်းထန်စွာထိခိုက်စေနိုင်သည့် "အနီရောင်အဆင့်" သို့ ရောက်ရှိနေပြီး အခြားခရိုင် ၃၇ ခုမှာ "လိမ္မော်ရောင်အဆင့်" တွင် ရှိနေသည်။ ဘန်ကောက်တွင် လေထုအရည်အသွေး အသင့်အတင့်ရှိနေပြီး ထူးခြားချက်အနေဖြင့် ယခင်က လေထုညစ်ညမ်းလေ့ရှိသော မယ်ဟောင်ဆောင်နှင့် ချင်းမိုင်ခရိုင်တို့တွင်မူ လေထုအရည်အသွေး အလွန်ကောင်းမွန်နေကြောင်း သိရှိရပါသည်။