ညောင်ရွှေမြို့နယ်ရှိ ငလျင်ဒဏ်သင့်အိမ်ထောင်စု ၆၀၀ နီးပါး တတိယအကြိမ် ထောက်ပံ့ငွေရရှိခဲ့

ရှမ်းပြည်နယ် (တောင်ပိုင်း)၊ ညောင်ရွှေမြို့နယ်ရှိ အိုင်ထောင့်ကြီး၊ ကေလာ၊ အင်းပေါခုံနှင့် ဟဲယာကျေးရွာတို့မှ မန္တလေးငလျင်ဒဏ်သင့် အိမ်ထောင်စု ၅၉၀ အား မြန်မာနိုင်ငံကြက်ခြေနီအသင်းက ပြန်လည်ထူထောင်ရေးလုပ်ငန်းများအတွက် တတိယအကြိမ်မြောက် ထောက်ပံ့ငွေများ ပေးအပ်ခဲ့သည်။ ဇန်နဝါရီ ၁၅ ရက်နှင့် ၁၆ ရက်တို့တွင် အဆိုပါကျေးရွာများသို့ သွားရောက်ကာ အိမ်ထောင်စုတစ်စုလျှင် ငွေကျပ် ၄ သိန်းနှုန်းဖြင့် လက်ဝယ်အရောက် ထောက်ပံ့ပေးခဲ့ခြင်းဖြစ်ကြောင်း သိရှိရပါသည်။