ကုန်လုပ်ငန်း စတင် လုပ်ကိုင်နည်း ရက်တိုသင်တန်း အမှတ်စဉ် (၁၈) သင်တန်းကို ရန်ကုန်မြို့၌ ယခုလအတွင်း ဖွင့်လှစ်သွားမည်ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှသိရသည်။စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနအောက်ရှိ ကုန်သွယ်ရေးဦးစီးဌာန၊ ကုန်သွယ်မှု သင်တန်းကျောင်း (ရန်ကုန်) မှ ပို့ကုန်လုပ်ငန်း စတင် လုပ်ကိုင်နည်း ရက်တိုသင်တန်းကို ဇန်နဝါရီလ (၁၉) ရက်နေ့တွင် စတင်ဖွင့်လှစ်မည်ဖြစ်ကြောင်းသိရသည်။
အဆိုပါသင်တန်းသည် ပို့ကုန်ဆိုင်ရာ ရက်တိုသင်တန်းများ ( အမှတ်စဉ် - ၁၈ ) အနေဖြင့် ဖွင့်လှစ်ခြင်း ဖြစ်ပြီး သင်တန်းသားဦးရေ (၅၀) ဦးကို လက်ခံသင်ကြားပေးသွားမည် ဖြစ်ပြီး တက်ရောက်လိုသူများအနေဖြင့် သင်တန်းဝင်ခွင့် လျှောက်လွှာနှင့်အတူဓာတ်ပုံ (၁) လက်မပတ်လည် (၃) ပုံ၊ ဘွဲ့လက်မှတ်မိတ္ထူ (သို့) အခြေခံပညာ အထက်တန်းအောင်လက်မှတ် မိတ္ထူနှင့်
နိုင်ငံသားစိစစ်ရေးကတ်ပြား မိတ္ထူ စသည့် စာရွက်စာတမ်းများကို ယူဆောင်၍ သင်တန်းကျောင်း (စတုတ္ထထပ်) သို့ လူကိုယ်တိုင် သွားရောက် စာရင်းပေးသွင်းရမည် ဖြစ်သည်။ သင်တန်းသည် လာမည့် ဇန်နဝါရီလ (၁၉) ရက်နေ့မှ ဇန်နဝါရီလ (၂၃) ရက်နေ့အထိ (၅) ရက် ကြာမြင့်မည် ဖြစ်ကာ တနင်္လာနေ့မှ သောကြာနေ့အထိ မနက် (၉) နာရီမှ ညနေ (၄) နာရီအထိ တက်ရောက်ရမည်ဖြစ်ကြောင်း သိရသည်။
