ထိုင်းအိမ်ခြံမြေဈေးကွက် ၇ နှစ်အတွင်း အနိမ့်ဆုံးအထိ ကျဆင်း၊ အဆင့်မြင့်အိမ်ရာတွေ ရောင်းမထွက်ဘဲ ပုံနေ

ထိုင်းနိုင်ငံ၏ အိမ်ခြံမြေဈေးကွက်သည် လက်ရှိတွင် ၁၀ နှစ်တာအတွင်း အကြီးမားဆုံး စိန်ခေါ်မှုနှင့် ရင်ဆိုင်နေရပြီး ၂၀၂၅ ခုနှစ်အတွင်း အိမ်ရာပိုင်ဆိုင်မှုလွှဲပြောင်းမှုနှုန်းမှာ အလုံးရေ ၃၀၀,၀၀၀ ခန့်သာရှိတော့သဖြင့် ၇ နှစ်အတွင်း အနိမ့်ဆုံးအဆင့်သို့ ရောက်ရှိသွားကြောင်း သိရသည်။ ဘန်ကောက်နှင့် ပတ်ဝန်းကျင်ဒေသများတွင် စီမံကိန်းသစ်များ ၃၃ ရာခိုင်နှုန်းခန့်အထိ လျော့ကျသွားကာ၊ အထူးသဖြင့် ဘတ် ၂၅ သန်းမှ သန်း ၅၀ ကြားရှိသည့် "ဇိမ်ခံအိမ်ရာ" များမှာ ဝယ်သူမရှိဘဲ အလုံးရေ ၃,၀၀၀ ခန့် ပုံနေသဖြင့် ယင်းလက်ကျန်များကုန်ရန် ၅ နှစ်မှ ၆ နှစ်ခန့်အထိ အချိန်ယူရနိုင်ကြောင်း စီးပွားရေးကျွမ်းကျင်သူများက သုံးသပ်ထားကြသည်။