မြန်မာအမျိုးသမီးဖူဆယ်အသင်းကို ဆီးဂိမ်းမှာ တာဝန်ယူကိုင်တွယ်ခဲ့တဲ့ ထိုင်းလူမျိုးနည်းပြ ပီရာဆပ်ခ်နေရာမှာ မြန်မာလူမျိုးနည်းပြ ဒေါ်ဝါဝါခိုင်နဲ့ အစားထိုးခဲ့ပါတယ်။ ပီရာဆပ်ခ်ဟာ မြန်မာအမျိုးသမီးအသင်းနည်းပြအဖြစ်၂၀၂၅၊ ဇွန်လ ၂၇ရက်ကနေ ဆီးဂိမ်းကာလအပြီးအထိ ကာလတို စာချုပ်နဲ့ အသင်းကို ကိုင်တွယ်ခဲ့တာပါ။ လက်ရှိမှာတော့ ပီရာဆပ်ခ်ရဲ့ စာချုပ်သက်တမ်းကုန်ဆုံးခဲ့ပြီဖြစ်တာကြောင့် ပီရာဆပ်ခ်ရဲ့ လက်ထောက်နည်းပြအဖြစ် ဆောင်ရွက်ခဲ့တဲ့ ဒေါ်ဝါဝါခိုင် (ISPE) နဲ့ အစားထိုးခဲ့တာဖြစ်ပြီး နည်းပြသစ်ရဲ့ ပထမဆုံး နိုင်ငံတကာပွဲအဖြစ် Asean Women's Futsal Championship 2026 ပြိုင်ပွဲကို ယှဉ်ပြိုင်ဖို့ရှိနေပါတယ်။
