ရခိုင်ပြည်နယ်၊ ဘူးသီးတောင်မြို့နယ်တွင် ရက္ခိုင်နှင့် မူဆလင် အသိုင်းအဝိုင်းနှစ်ခုကြား အပြန်အလှန် ယုံကြည်မှုနှင့် ချစ်ကြည်ရင်းနှီးမှုများ ယခင်ကထက် ပိုမိုအားကောင်းလာကြောင်း တွေ့ရသည်။လက်ရှိတွင် ဘူးသီးတောင်မြို့အတွင်းရှိ စာသင်ကျောင်းများတွင် ရက္ခိုင်နှင့် မူဆလင် ကျောင်းသား၊ ကျောင်းသူများမှာ ခွဲခြားမှုမရှိဘဲ အတူတကွ ပညာသင်ကြားလျက်ရှိသည်။ ယင်းမှာ ဆယ်စုနှစ်တစ်ခုကျော်ကြာ ဖြစ်ပေါ်ခဲ့သည့် လူမျိုးရေးတင်းမာမှုများကို ကျော်လွှားကာ လူမှုသဟဇာတဖြစ်မှုကို ပြန်လည်တည်ဆောက် နေခြင်းလည်းဖြစ်ကြောင်း မူဆလင်အသိုင်းအဝိုင်းက ဆိုသည်။စီးပွားရေးနှင့် လူမှုဆက်ဆံရေး ကဏ္ဍများတွင်လည်း အသိုင်းအဝိုင်းနှစ်ခုအကြား အပြန်အလှန် ကူးသန်းရောင်းဝယ်မှုနှင့် ရင်းနှီးစွာ ဆက်ဆံမှုများမှာ ယခင်ထက် ပိုမိုအားကောင်းလာသည်ကို တွေ့ရှိရသည်။
