ယခုတစ်ပတ် စားအုန်းဆီ အခြေခံလက်ကားရည်ညွှန်းဈေး ယခင်တစ်ပတ်ထက် တစ်ပိဿာလျှင် ကျပ် ၅၀ မြင့်တက်

ရန်ကုန်အထိုင်ဈေး အခြေခံစားအုန်းဆီလက်ကားရည်ညွှန်းဈေးသည် ဇန်နဝါရီ ၁၆ ရက်မှ ၂၂ ရက်အထိ တစ်ပိဿာလျှင် ကျပ် ၆,၁၅၀ အဖြစ် သတ်မှတ်လိုက်သောကြောင့် ယခင်တစ်ပတ်ဈေးနှုန်း ၆,၁၀၀ ကျပ်ထက် ၅၀ ကျပ် မြင့်တက်လာကြောင်း စားသုံးသူရေးရာဦးစီးဌာနမှ သိရသည်။ စားသုံးသူများအနေဖြင့် အပတ်စဉ် သောကြာနေ့တိုင်း ထုတ်ပြန်မည့် ဈေးနှုန်းများကို ဌာန၏ ဝက်ဘ်ဆိုက်တွင် ဝင်ရောက်လေ့လာနိုင်ပြီး၊ ဈေးနှုန်းမြှင့်တင်ရောင်းချခြင်း သို့မဟုတ် ဈေးကစားရန် သိုလှောင်ခြင်းများ ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ ပြင်းထန်စွာ အရေးယူဆောင်ရွက်သွားမည်ဖြစ်ကြောင်း အသိပေးထုတ်ပြန်ထားပါသည်။