ရန်ကုန်မြို့ရှိ အမေရိကန်သံရုံး၏ ယာယီတာဝန်ခံအဖြစ် ဒေါက်ဂလပ်စ် အီးဆောန်နစ်ခ်က တာဝန်ယူဆောင်ရွက်မည်

ရန်ကုန်မြို့ရှိ အမေရိကန်သံရုံး၏ ယာယီတာဝန်ခံအဖြစ် ဒေါက်ဂလပ်စ် အီးဆောန်နစ်ခ်က တာဝန်ယူဆောင်ရွက်မည်ဖြစ်ကြောင်း အမေရိကန်သံရုံးက သတင်းထုတ်ပြန်သည်။လက်ရှိတွင် အမေရိကန်သံရုံးအကြီးအကဲအဖြစ် ဆူဆန်စတီဗင်ဆင်က တာဝန်ယူထားပြီး ဇန်နဝါရီလလယ်တွင် သူမ၏ တာဝန်ပြီးဆုံးမည်ဖြစ်သည်။သံရုံးယာယီတာဝန်ခံအဖြစ် ဆောင်ရွက်မည့်သူမှာ ဒေါက်ဂလပ်စ် အီးဆောန်နစ်ခ်ဖြစ်ပြီး ၎င်းမှာ မြန်မာနိုင်ငံနှင့် စိမ်းသူမဟုတ်ကြောင်း၊မြန်မာနိုင်ငံ၏သမိုင်းကြောင်းတွင် အရေးပါသော အချိုးအကွေ့ကာလဖြစ်သည့် ၂၀၁၁ ခုနှစ်မှ ၂၀၁၄ ခုနှစ်အထိ သံရုံး၏ နိုင်ငံရေးနှင့် စီးပွားရေးဌာနကို ဦးဆောင်ခဲ့သူ ဖြစ်ကြောင်း သံရုံးက ထုတ်ပြန်သည်။ အမေရိကန်ပြည်ထောင်စုမှ မြန်မာပြည်သူများအပေါ် ထားရှိသည့် နှစ်ပေါင်း ၈၀ နီးပါး ကြာမြင့်ပြီဖြစ်သော ကတိကဝတ်များကို ဆက်လက်ဖော်ဆောင်သွားမည့် ဤဦးဆောင်မှုအခန်းကဏ္ဍသစ်တွင် ဒေါက်ဂ်ကို နွေးထွေးစွာ ကြိုဆိုပေးကြပါရန် ရန်ကုန်မြို့ရှိ အမေရိကန်သံရုံးက သတင်းထုတ်ပြန်သည်။