ကချင်ပြည်နယ် မြစ်ကြီးနားမြို့မှာ ဒီဇန်နဝါရီလ ၂ ပတ်အတွင်း အက်စီးဒင့် ၂၂ ကြိမ်ဖြစ်ခဲ့ပြီး သေဆုံးတစ်ဦးနဲ့ ထိခိုက်ဒဏ်ရာပြင်းထန်စွာရရှိသူတွေလည်းရှိခဲ့တယ်လို့ မြစ်ကြီးနားမြို့ အခြေစိုက်လူမှုကယ်ဆယ်ရေးအသင်းတွေ ဆီကနေ သိရပါတယ်။အက်စီးဒင့်ဖြစ်ပွားခဲတဲ့ ဖြစ်စဉ်၂၂ခုထဲမှာ အသက် ၁၄ နှစ်အရွယ် မိန်းကလေးတစ်ဦး သေဆုံးခဲ့ပြီး အနီရောင်အဆင့်လူနာ( ပြင်းထန်ဒဏ်ရာရရှိသူ) ၄ဦးနဲ့ အဝါရောင်အဆင့်(သာမန် ပွန်းပဲ့ဒဏ်ရာရရှိသူ) ၁၇ ဦးထိရှိခဲ့တယ်လို့ ဆိုပါတယ်။
