တောင်ကြီးမြို့တွင် လိုင်စင်မဲ့ ကား၊ ဆိုင်ကယ်များကို ယခုရက်ပိုင်း အရှိန်မြှင့် ဖမ်းဆီးနေ

ရှမ်းပြည်နယ်တောင်ပိုင်း၊တောင်ကြီးမြို့အတွင်း လိုင်စင်မဲ့ ယာဉ်များကို သက်ဆိုင်ရာ အာဏာပိုင်များက ယခုရက်ပိုင်းအတွင်း အဖွဲ့စုံဖြင့် စစ်ဆေး ဖမ်းဆီးလျက်ရှိပြီး မြတ်တော်ဝင်ဆေးရုံအနီး မိန်းလမ်းတစ်လျှောက်၊ iCity ရှေ့လမ်းလေးဆုံ၊ နီလာရိုးမဓာတ်ဆီဆိုင်အနီး၊ စူဠာမုနိဘုရားလမ်းနှင့် ဝါးပြားလမ်းစဆုံ စသည့် နေရာများတွင် အဓိကထား ဖမ်းဆီးနေသည်။တောင်ကြီးမြို့အတွင်း ယခုရက်ပိုင်း ဆိုင်ကယ်ဘက်မှန် မတပ်ဆင်ခြင်း၊ ဆိုင်ကယ်နံပါတ်ပြား မပါရှိခြင်း၊ဦးထုပ်မဆောင်းခြင်းနှင့်လိုင်စင်မဲ့ စီးနှင်မှုများကို ဆက်တိုက်စစ်ဆေး ဖမ်းဆီးလျက်ရှိကြောင်း သိရသည်။