ရှမ်းပြည်နယ်၊ တာချီလိတ်မြို့နယ်တွင် ခွင့်ပြုချက်တစ်စုံတစ်ရာမရှိဘဲ မြေကွက်ဖော်ထုတ် ရောင်းချသူများ၊ ထိုသို့ဖော်ထုတ်သည့် မြေကွက်များကို Online မှတဆင့် ကြေညာ ရောင်းချသူများကို တည်ဆဲဥပဒေအရ အရေးယူသွားမည်ဖြစ်ကြောင်း မြို့နယ်စီမံအုပ်ချုပ်ရေးအဖွဲ့က ထုတ်ပြန်ကြေညာထားသည်။ ၂၀၂၅ ခုနှစ် မေလ ၂၁ ရက်နေ့တွင် မြို့နယ်မြေစာရင်းဦးစီးဌာန၊ တာလေ၊ ကျိုင်းလပ်မြို့အုပ်ချုပ်ရေးမှူးရုံးများနှင့် ရပ်ကွက်/ကျေးရွာအုပ်စုအုပ်ချုပ်ရေးမှူးရုံးများအား အသိပေးပြီးဖြစ်သည်။ မြေယာအကျိုးခံစားခွင့်ရှိသူများအနေဖြင့် ဥပဒေနှင့်အညီ ခွင့်ပြုချက်တင်ပြရရှိပြီးမှသာ လုပ်ငန်းဆောင်ရွက်နိုင်မည်ဖြစ်ကြောင်း၊ တားမြစ်ချက်နှင့်လိုက်နာမှုမရှိပါက တည်ဆဲဥပဒေများအတိုင်း အရေးယူဆောင်ရွက်သွားမည်ဖြစ်သည်။
