Xiaomi နှင့် Qualcomm တို့သည် ၎င်းတို့၏ မဟာဗျူဟာမြောက် ဆက်ဆံရေးကို နှစ်ရှည်ကြာ သဘောတူညီမှုဖြင့် တရားဝင် သက်တမ်းတိုးလိုက်ကြသည်။ ရေရှည်ဆက်ဆံရေးကို ပန္နက်ချသည့် ၎င်းသဘောတူညီချက်အရ ရှောင်မီ၏ စမတ်ဖုန်းများနှင့် တက်ဘလက်များ၏ အထင်ကရမော်ဒယ်များသည် Snapdragon 8-series ချစ်ပ်များကို နောက်နောင် မျိုးဆက်သစ်များတွင် ဆက်လက်အသုံးပြုသွားမည်။ သုံးစွဲမည့် ချစ်ပ်အရေအတွက်သည်လည်း နှစ်စဉ်တိုးမြင့်လာမည်ဖြစ်သည်။ Xiaomi နှင့် Qualcomm တို့ လက်တွဲထားကြသည်မှာ ၁၅ နှစ် ရှိပြီ ဖြစ်သည်။ ၂၀၁၁ တွင် ထုတ်လုပ်သည့် Mi 1 စမတ်ဖုန်းတွင် Qualcomm ၏ ချစ်ပ်ကို ပထမဆုံး စတင်သုံးစွဲခဲ့သည်။ ယခုအခါ ရှောင်မီသည် Qualcomm ၏ ချပ်စ်များ သိန်းပေါင်းရာချီ သုံးစွဲခဲ့ပြီးပြီ ဖြစ်သည်။ ရှောင်မီသည် နောက်မျိုးဆက်သစ် ပရီမီယံ Snapdragon 8 စီးရီး ကို ပထမဆုံးသုံးသည့် ကုမ္ပဏီများတွင် ပါဝင်မည်။ တရုတ်ပြည်တွင်းသုံးဗားရှင်းနှင့် ကမ္ဘာသုံး ဗားရှင်း စမတ်ဖုန်းများနှင့် တက်ဘလက်များတွင် အသုံးပြုသွားမည်။
