တရုတ်၊ မြန်မာ နဲ့ ရုရှားတို့ဟာ ထိုင်းမှာ ၂၀၂၅ ခုနှစ် ပထမ ကွာတားမှာ ကွန်ဒို အများဆုံး ဝယ်ယူခဲ့

၂၀၂၅ ခုနှစ်၏ ပထမ ကွာတား သို့မဟုတ် ပထမသုံးလပတ်တွင် ထိုင်းနိုင်ငံ၌ နိုင်ငံခြားသားများသို့ ကွန်ဒိုမီနီယံအခန်းများ လွှဲပြောင်းရောင်းချမှု အနည်းငယ်နှေးကွေးသွားကြောင်း အိမ်ခြံမြေ သတင်းအချက်အလက် စင်တာ (REIC) က သတင်းထုတ်ပြန်ခဲ့သည်။ တရုတ်နိုင်ငံမှ ဝယ်ယူသူများက ယခင်အတိုင်းပင် ထိပ်ဆုံးမှ ဦးဆောင်နေဆဲဖြစ်သော်လည်း မြန်မာနိုင်ငံကမူ ဒုတိယနေရာသို့ သိသိသာသာ တိုးတက်ရောက်ရှိလာခဲ့သည်။ ရုရှားနိုင်ငံအနေဖြင့် လွှဲပြောင်းရောင်းချသည့် ယူနစ်အရေအတွက် အနည်းငယ်ကျဆင်းသွားသော်လည်း ငွေပေးငွေယူတန်ဖိုးမှာမူ မြင့်တက်လာခဲ့သည်။