ထူးခန့်ကျော်က မင်းသား ထူးခြားရဲ့ အခြေအနေတွေကိုပြောပြလာတာဖြစ်ပြီး ထူးခြားဟာ မကောင်းတဲ့ အတတ်ပညာ အောက်လမ်းဖြင့် အတိုက်ခံထားရတာကြောင့် အာရုံကြောထိပြီး လမ်းမလျှောက်နိုင် ၊ လက်တစ်ခုလုံးနာကျင်ကာ ဇွန်ဘီတွေကဲ့သို့ဖြစ်နေ ခံစားနေရကြောင်း ပြောပါတယ်။ စတင်ဖြစ်ပွားချိန် ၁၀ ရက်မှာ ဆရာဝန် ၆ ယောက်ပြောင်းလဲပြသခဲ့ပြီး မသက်သာဘဲ ထူးခန့်ကျော်ဆီရောက်ကာ ၇ ကြိမ်မြောက် ကုသအပြီးမှာ ပုံမှန်အတိုင်းပြန်ဖြစ်သွားတယ်လို့ ထူးခြားကပြောပါတယ်။ ထူးခြားအား မကောင်းတာပြုလုပ်ထားပါက ထုတ်ယူသွားရန် ထူးခန့်ကျော်က ပြောဆိုကုသနေတာတွေ့ရပြီး ချွေးတွေဆက်တိုက်ကျကာ တဆတ်ဆတ်တုန်နေတဲ့ ထူးခြားရဲ့ ဗီဒီယိုကိုလည်း မြင်တွေ့ရပါတယ်။ ကုသပြီးပျောက်ကင်းသွားချိန်မှာ ပျော်ရွှင်ခဲ့တဲ့ ထူးခြားတို့ ဇနီးမောင်နှံ နှစ်ဦးရဲ့ ဗီဒီယိုကို ထူးခန့်ကျော်က မျှဝေလာခဲ့တာလည်းဖြစ်ပါတယ်။
