မတ် ၂၈ ရက်က ဖြစ်ပွားခဲ့သည့် မန္တလေးဒေသ၌ အင်အားပြင်းထန်စွာလှုပ်ခတ်သောငလျင်ကြီးကြောင့် နေပြည်တော်၊ မန္တလေး၊ စစ်ကိုင်း၊ ပဲခူးနှင့် ရှမ်းပြည်နယ်တို့တွင် သေဆုံးမှု၊ ဒဏ်ရာရမှုများနှင့် ပျက်စီးဆုံးရှုံးမှုများဖြစ်ပွားခဲ့ပြီး စီးပွားရေးလုပ်ငန်းများ နှောင့်နှေးမှုကြုံတွေ့ခဲ့ရသည်။ထိုအခြေအနေအပေါ် မြန်မာ့စီးပွားရေး ပြန်လည်ကုစားခြင်းနှင့် ပြန်လည်ထူထောင်ရေး ဆွေးနွေးပွဲတစ်ရပ်ကို မေလ ၃၀ နှင့် ၃၁ ရက်နေ့များတွင် နေပြည်တော်ရှိ မင်္ဂလာသီရိဟိုတယ်၌ ကျင်းပမည်ဖြစ်သည်။MRTV မှထုတ်ပြန်သည့်အချက်အလက်အရ မေလ ၂၁ ရက်အထိ ငလျင်ကြီးကြောင့် သေဆုံးသူ ၃,၇၂၉ ဦး၊ ဒဏ်ရာရသူ ၅,၁၀၄ ဦးနှင့် ပျောက်ဆုံးသူ ၇၈ ဦးရှိကြောင်း သိရသည်။
