ဂျပန်အစိုးရက အရန်စပါးသိုလှောင်မှုမှ တန် ၂၁၀,၀၀၀ ကို မတ်လတွင် လေလံ နှစ်ကြိမ်တင်ပြီး ထုတ်ရောင်းပေးခဲ့ရာ ဧပြီလကုန်ပိုင်းတွင် ၇.၁% ဖြစ်သည့် ၁၄,၉၉၈ တန်မျှသာ စူပါမားကက်များနှင့် လက်လီအရောင်းစတိုးဆိုင်များသို့ ရောက်ရှိသည်။ ထုတ်ရောင်းပေးသည့် ဆန်များသည် ရောက်စေလိုသည့် နေရာများသို့ မရောက်သေးသဖြင့် ဆန်ဈေးကျဆင်းသည့် ရလဒ်ကို ထင်ထင်ရှားရှား မရနိုင်ချေ။ အရန်သိုလှောင်ထားသည့်အထဲမှ ထုတ်ရောင်းသော ဆန်များအတွက် ဖြန့်ဖြူးရမည့်နေရာများကို တတိယအကြိမ် စစ်တမ်းကောက်ယူပြီးနောက် အင်္ဂါနေ့ (မေ ၂၀)တွင် လယ်ယာစိုက်ပျိုးရေး ဝန်ကြီးဌာနမှ စစ်တမ်းတွေ့ရှိချက် ထုတ်ပြန်ခဲ့ခြင်း ဖြစ်သည်။
