အိုမီခရွန်အုပ်စုမှ နောက်ဆက်တွဲမျိုးရိုးဗီဇပြောင်း ကိုဗစ်-၁၉ ဗိုင်းရပ်စ်ပိုးများကို ကာကွယ်နိုင်သည့် ကာကွယ်ဆေးများထိုးနှံပေးမည်

ယခုမေလအတွင်းတွင် GAVI support for C 19 Vaccination အစီအစဉ်ဖြင့် ကူးစက်လွယ် အိုမီခရွန်အုပ်စုမှ ဆက်လက်၍ မျိုးရိုးဗီဇပြောင်းလဲလာသည့် JN.1 အုပ်စုနှင့် နောက်ဆက်တွဲမျိုးရိုးဗီဇပြောင်း ကိုဗစ်-၁၉ ဗိုင်းရပ်စ်ပိုးများကို ကာကွယ်နိုင်မည့် Pfizer COVID-19 Vaccine JN.1 များကို ဆက်လက်ထိုးနှံပေးမယ်လို့ ကျန်းမာရေးဝန်ကြီးဌာနမှ သိရကာကိုဗစ်-၁၉ ရောဂါဗိုင်းရပ်စ်ပိုးများမျိုးရိုးဗီဇပြောင်းသည်နှင့်အတူ ၎င်းမျိုးဗီဇပြောင်းရောဂါပိုးများကို ကာကွယ်နိုင်မည့် ကိုဗစ်-၁၉ ရောဂါကာကွယ်ဆေးမျိုးဆက်သစ်များသည်လည်း စဉ်ဆက်မပြတ်ထွက်ပေါ်လျက်ရှိရာ ကျန်းမာရေးဝန်ကြီးဌာနသည် ကိုဗစ်-၁၉ ရောဂါကာကွယ်ဆေး Pfizer X.B.B. 1.5 အသုံးပြု၍ (၂၀၂၅) ခုနှစ်၊ ဇန်နဝါရီလမှ ဧပြီလအတွင်းကိုဗစ် (၁၉) ရောဂါကာကွယ်ဆေးတစ်ကြိမ်မျှ မထိုးနှံရသေးသည့် အသက် (၁၈) နှစ်အထက်ပြည်သူ (၁၁၂,၅၂၉) ဦးနှင့် ကိုယ်ဝန်ဆောင်မိခင် (၁၄,၇၇၅)ဦးအပါအဝင် နောက်ဆုံးအကြိမ် ကာကွယ်ဆေးထိုးနှံပြီးစီးမှုကာလ (၆) လနှင့် (၁) နှစ် အတွင်းရှိသည့် ပြည်သူ (၂,၂၈၆,၇၂၆)ဦးအား ကာကွယ်ဆေးထိုးနှံပေးနိုင်ခဲ့တယ်လို့ သိရပါတယ်။