မန္တလေးတက္ကသိုလ်၏ နှစ်(၁၀၀)ပြည့်အခမ်းအနားကို ၂၀၂၅ ခုနှစ် ဇူလိုင်လအတွင်း ကျင်းပရန် စီစဉ်ဆောင်ရွက်လျက်ရှိသည်။ ၁၉၂၅ ခုနှစ် ဇူလိုင်လ ၄ ရက်တွင် မန္တလေးဥပစာကောလိပ်အဖြစ် စတင်ဖွင့်လှစ်ခဲ့သည့် တက္ကသိုလ်သည် ယခုနှစ်တွင် ရာပြည့်မြောက်သဖြင့် သမိုင်းဝင်အခမ်းအနားတစ်ရပ်အဖြစ် ပြုလုပ်သွားမည်ဖြစ်သည်။ ထိုအခမ်းအနားအတွက် မေ ၁၉ ရက်နေ့က ညှိနှိုင်းအစည်းအဝေးတစ်ရပ် ကျင်းပခဲ့ပြီး တိုင်းအစိုးရအဖွဲ့ဝင်များ၊ တက္ကသိုလ်အုပ်ချုပ်ရေးအရာရှိများ၊ ကျောင်းသားဟောင်းများ ပါဝင်ဆွေးနွေးကြသည်။ ရာပြည့်သဘင်အခမ်းအနားအောင်မြင်စွာကျင်းပနိုင်ရေးအတွက် ဦးဆောင်ကျင်းပရေးကော်မတီနှင့် ဆောင်ရွက်မှုများကို ဆက်လက်တိုးတက်အောင်မြင်အောင် လုပ်ဆောင်သွားမည်ဖြစ်ကြောင်း သိရသည်။
