ထိုင်းမြောက်ပိုင်းမှ မြစ်တွေမှာ အန္တရာယ်ရှိတဲ့ ဓါတုပစ္စည်းတွေ ပါဝင်နေတဲ့အတွက် ကျန်းမာရေး ထိခိုက်နိုင်တယ်လို့ သတိပေး

ထိုင်း အစိုးရရဲ့ မကြာခင်က စစ်ဆေးချက်အရ ချင်းရိုင် ပြည်နယ်မှ Kok နဲ့ Sai မြစ်တွေထဲမှာ အာဆင်းနစ် နဲ့ ခဲ ဓါတုပစ္စည်း ပါဝင်မှုဟာ မြင့်မားနေပြီး ဒေသခံတွေနဲ့ ငါးတွေရဲ့ ကျန်းမာရေးကို ထိခိုက်စေနိုင်တယ်လို့ သိရပါတယ်။ ချင်းမိုင်မှ သဘာဝပတ်ဝန်းကျင် ညစ်ညမ်းမှု ထိန်းချုပ်ရေး ဌာန ၁ က Kok၊ မဲခေါင်နဲ့ Sai မြစ်ထဲကို စီးဝင်တဲ့ ရေလမ်းကြောင်း ၈ ခုကို မေလထဲမှာ စစ်ဆေးခဲ့ပါတယ်။ Korn ၊ Lao နဲ့ Sruay မြစ်ထဲက ရေတွေဟာ ဘေးကင်းလုံခြုံရေး စံနှုန်းနဲ့ကိုက်ညီပေမယ့် မဲခေါင်နဲ့ Sai မြစ်မှ နေရာများစွာမှာ သတ္တုဓါတ် ပါဝင်မှု မြင့်မားနေပါတယ်။ ဒေသခံ ငါးမျိုးစိတ်တွေမှာ ကျန်းမာရေး ချို့တဲ့တဲ့ လက္ခဏာတွေတွေ့ခဲ့ရပါတယ်။ Chiang Saen မှ မဲခေါင်နဲ့ Kok မြစ်နှစ်စင်း စုံတဲ့အနားက နေရာ ၂ ခုမှာ စစ်ဆေးကြည့်တဲ့အခါ အာဆင်းနစ် ပါဝင်မှုဟာ ဘေးကင်းတဲ့ စံနှုန်းဖြစ်တဲ့ 0.01 mg/L ထက်ကျော်လွန်နေပြီး 0.031 mg/L နဲ့ 0.036 mg/L ရှိပါတယ်။