တာချီလိတ်တွင် ဓာတ်အားလိုင်းကြိုးများအဆင့်မြှင့် လုပ်ငန်းပြီးစီး

ရှမ်းပြည်နယ်အရှေ့ပိုင်း တာချီလိတ်မြို့၌ မီးလင်းရေးဦးဆောင်ကော်မတီမှ ဓာတ်အားသုံးစွဲသူများ လျှပ်စစ်အန္တရာယ်ကင်းကင်းဖြင့် တစ်နေ့လုံးအဆင်ပြေသုံးစွဲနိုင်ရေးအတွက် 22-KV ဓာတ်အားလိုင်းတွင် ACSR-50 sqmm ကြိုးများအား SAC-195 sqmm ကြိုးဖြင့် အစားထိုး၍ အဆင့်မြှင့်ခြင်းနှင့် ၄၀၀-ဗို့ ရန်စဖော်မာများအစားထိုးခြင်းလုပ်ငန်းများကို မေလ ၂၀ ရက်တွင်ပြီးစီးခဲ့သည်။ ထိုလုပ်ငန်းများအတွက် မေလ ၁၈-၂၀ ရက်အတွင်း တချို့ ရပ်ကွက်များနှင့် ကျေးရွာအုပ်စုများတွင် အချိန်ပိုင်း ဓာတ်အားဖြတ်တောက်မှုများ ဆောင်ရွက်ခဲ့ကြောင်း သိရသည်။