တမူးမှာ ကျောင်းဖတ်စာအုပ်တစ်စုံကို ကျပ် ၄၀,၀၀၀ ကနေ ကျပ် ၅၀,၀၀၀ အထိ ပေးဝယ်နေရ

စစ်ကိုင်းတိုင်း၊ တမူးမြို့မှာ ကျောင်းသုံးဖတ်စာအုပ်များကိုတစ်စုံလျင် ကျပ် ၄၀,၀၀၀ မှ ကျပ် ၅၀,၀၀၀ အထိ စျေးကြီးပေးဝယ်နေရတယ်လို့ ကျောင်းသားမိဘတွေထံက သတင်းရရှိပါတယ်။အဆိုပါ ဖတ်စာအုပ်များကို ကျောင်းမှာထုတ် ပေးတာမျိုးမရှိတာကြောင့် အပြင်ဆိုင်တွေမှာ ဈေးကြီးပေးဝယ်နေရပြီး KG တန်း ဖတ်စာအုပ်တစ်စုံကို ကျပ် ၃၅,၀၀၀၊ G1 ကနေ G4 အထိ ကျပ် ၄၅,၀၀၀၊ G5 ကနေ G7 အထိ ကျပ် ၅၀,၀၀၀ နဲ့ G8 ကနေ G12 အထိ ကျပ် ၇၀,၀၀၀ ပေးဝယ်နေရတာလို့ ဆိုပါတယ်။