ယနေ့ညနေက တောင်ဒဂုံကွင်းတွင် ကျင်းပခဲ့သော MNL (U-21) Youth League 2025 Week-4 ပွဲစဉ်၏ AYA Pay Man of The Match အကောင်းဆုံးကစားသမားဆုကို ရန်ကုန်ယူနိုက်တက်လူငယ်အသင်း၏ ကွင်းလယ်လူ ကောင်းခန့်ကျော်က ရရှိခဲ့သည်။ယင်းပွဲစဉ်တွင် ရန်ကုန်ယူနိုက်တက်လူငယ်အသင်းက ရတနာပုံလူငယ်အသင်းကို (၂-၁) ဂိုးရလဒ်ဖြင့် အနိုင်ရရှိခဲ့ရာ ကောင်းခန့်ကျော်အနေဖြင့် အသင်းကွင်းလယ်မှ ခြေစွမ်းပြကစားနိုင်ခဲ့သည့်အတွက် အဆိုပါဆုကို ရရှိခဲ့ခြင်းဖြစ်သည်။ ၎င်းသည် အဆိုပါဆုကို နှစ်ပွဲဆက် (Week-3)၊(Week-4) ရရှိခြင်းဖြစ်သည်။AYA Pay Man of The Match အကောင်းဆုံးကစားသမားဆုအတွက် အထိမ်းအမှတ်ဆုတံဆိပ်နှင့်အတူ ဆုငွေကျပ်တစ်သိန်းရရှိပြီး ယင်းဆုကို ရန်ကုန်ယူနိုက်တက်အသင်း CEO ဦးလွင်မိုးက ချီးမြှင့်ပေးခဲ့သည်။
