ထိုင်းနိုင်ငံ၏ ကိုယ်ပိုင် အီးဗီ အမှတ်တံဆိပ် မကြာမီ ထွက်ပေါ်လာမည်

ထိုင်းနိုင်ငံတွင် နိုင်ငံကိုယ်စားပြု အီးဗီအမှတ်တံဆိပ်ဖြင့် ပစ်ကပ်ထရပ်၊ SUV, MPV တို့ကို ယခုနှစ်အတွင်း ထုတ်လုပ်မည်။ ထိုင်း အီးဗီအမှတ်တံဆိပ်ဖြင့် ကားထုတ်လုပ်နိုင်ရန် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနက ကျောထောက်နောက်ခံ ပြုပေးပြီး တရုတ်ကားထုတ်လုပ်ရေးလုပ်ငန်း Chery Automobile က ပံ့ပိုးပေးသည်။ အမျိုးသားသိပ္ပံနှင့်နည်းပညာဖွံ့ဖြိုးတိုးတက်ရေးအေဂျင်စီ National Science and Technology Development Agency (NSTDA) လည်း ပါဝင်ပတ်သက်သည်။ ထိုင်းစတော့အိတ်ချိန်းစာရင်းဝင် လောဂျစ္စတစ်နှင့် ပို့ဆောင်ရေးလုပ်ငန်း King Gen လည်း ပါဝင်သည်။ အမည်မပေးရသေးသော ဖက်စပ်လုပ်ငန်းသည် ယခုနှစ် နှစ်ကုန်ပိုင်းတွင် အစစအရာရာ အဆင်ပြေချောမွေဖ့ခဲ့လျှင် အီးဗီစစ်စစ် မော်ဒယ် ၃ မျိုး ထုတ်လုပ်မည်။ ပစ်ကပ်ထရပ်၊ SUV နှင့် MPV မော်ဒယ် တခုစီ ထုတ်လုပ်မည်။ ထုတ်လုပ်မည့် အီးဗီတွင် ပြည်တွင်းဖြစ် အနည်းဆုံး ၅၀% ပါဝင်မည်။