ဧရာဝတီတိုင်းအတွင်းရှိ ကွမ်းစိုက်တောင်သူတွေအနေနဲ့ ပြီးခဲ့တဲ့နှစ် ဒီဇင်ဘာလကတည်းက ကျဆင်းခဲ့တဲ့ ကွမ်းရွက်ဈေးနှုန်း တွေဟာ ဒီကနေ့ အချိန်ထိ ပြန်လည်မြင့်တက်လာတာ မရှိတာကြောင့် အရှုံးပေါ်နေဆဲ ဖြစ်နေတယ်လို့ တောင်သူတွေရဲ့ ပြောပြချက်အရ သိရပါတယ်။ကွမ်းဈေးနှုန်း ပြန်မြင့်လာဖို့ မျှော်လင့်ချက်နဲ့ ထပ်မံစိုက်ပျိုးခဲ့ပေမဲ့ ကွမ်းဈေးနှုန်းက မြင့်တက်မလာဘဲ သွင်းအားစုတန်ဖိုးတွေဖြစ်တဲ့ အလုပ်သမားခ စိုက်ပျိုးရေးသုံး ဆေးပစ္စည်းစျေးတွေနဲ့ မကိုက်အောင်ကို ရောင်းရတဲ့ဈေးနှုန်းက ကျဆင်းနေဆဲဖြစ်တာကြောင့် အရှုံးပေါ်နေကြတာ ဖြစ်တယ်လို့ သိရပါတယ်။
