ဗီယက်နမ်တွင် တည်ဆောက်ပြီးစီးခဲ့သည့် အကြီးဆုံး ကုန်တင်သင်္ဘောကို လွှဲပြောင်း

ဗီယက်နမ်သင်္ဘောကျင်းတွင် 65,000 dwt အရွယ်အစားရှိ ဝမ်းပုံတင်သင်္ဘော Truong Minh Dream ကို တည်ဆောက်မှု ပြီးစီးခဲ့သည်။ ဗီယက်နမ်တွင် တည်ဆောက်ခဲ့သည့် သင်္ဘောများအနက် အရွယ်အစား အကြီးမားဆုံးဖြစ်ပြီး ၄ စင်း အမှာစာ လက်ခံရရှိထားရာ၌ ပထမဆုံး တည်ဆောက်ပြီးစီးသည့် သင်္ဘောဖြစ်သည်။ အလျား ၆၅၆ ပေ (မီတာ ၂၀၀ ဝန်းကျင်) ရှိပြီး ဂျပန်မှ ClassNK က အရည်အသွေးစံကို စစ်ဆေးအတည်ပြုပေးသည်။ Vietnam Shipbuilding Engineering JSC (VISEC) နှင့် Bluetech Finland တို့ ပူးပေါင်းပြီး ဒီဇိုင်းထုတ်ခဲ့ကြသည်။ Shipbuilding Industry Corporation (SBIC) ၏ လက်အောက်ခံ Nam Trieu Shipbuilding Company မှ တည်ဆောက်ပေးသည်။ ဒီဇင်ဘာ ၂၆ ရက်တွင် သင်္ဘောကို ပြေးဆွဲမည့် Dong Bac Shipbuilding Industry JSC ထံ လွှဲပြောင်းပေးအပ်ခဲ့သည်။