ကမ္ဘောဒီးယားဘုရင်သည် ပြစ်ဒဏ်ကျခံနေသည့် ဖိလစ်ပိုင် အငှားကိုယ်ဝန်ဆောင်မိခင် ၁၃ ဦးကို တော်ဝင်လွတ်ငြိမ်းချမ်းသာခွင့် ပြု

ဖိလစ်ပိုင်အစိုးရ၏ တောင်းဆိုချက်နှင့် အာမခံချက်အရ ကမ္ဘောဒီးယားဘုရင် နိုရိုဒွန် သီဟာမိုနီသည် ပြစ်ဒဏ်ကျခံနေသည့် ဖိလစ်ပိုင် အငှားကိုယ်ဝန်ဆောင်မိခင် ၁၃ ဦးကို တော်ဝင်လွတ်ငြိမ်းချမ်းသာခွင့် ပြုခဲ့သည်။၎င်းတို့သည် အငှားကိုယ်ဝန်ဆောင်မိခင်အဖြစ် လုပ်ကိုင်ခဲ့ကြသည့်အတွက် ကမ္ဘောဒီးယား ဘုရင်နိုင်ငံတော်၏ လူကုန်ကူးမှု တိုက်ဖျက်ရေးဥပဒေအား ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်းခံရပြီး ဒီဇင်ဘာ ၂ ရက်က ထောင်ဒဏ် လေးနှစ် ချမှတ်ခဲ့သည်။၎င်းတို့အား စက်တင်ဘာလတွင် ကန်ဒယ်လ်ပြည်နယ် တောင်ပိုင်းတွင် ဖမ်းဆီးခဲ့ပြီး နယ်စပ်ဖြတ်ကျော် လူကုန်ကူးရန် ကြိုးပမ်းမှုဖြင့် တရားစွဲဆိုခဲ့သည်။ဖိလစ်ပိုင်ကိုယ်ဝန်ဆောင်မိခင် ၁၃ ဦးသည် နိုင်ငံခြားဖောက်သည်များအတွက် ကလေးငယ်များကို အငှားကိုယ်ဝန်ဆောင်ရန် ရည်ရွယ်ချက်ရှိကြသည်ကို သက်သေပြရန် ခိုင်မာသော အထောက်အထားများ ရှိကြောင်း တရားရုံး၏ ထုတ်ပြန်ချက်တွင် ဖော်ပြထားသည်။