တတိယမြောက် F-16 တိုက်လေယာဉ် တစ်စီးကို ယူကရိန်းလေတပ် ဆုံးရှုံး

ယူကရိန်း လေတပ်က ဆုံးရှုံးခဲ့ရတဲ့ F-16 တိုက်လေယာဉ် ၃ စီးထိ ရှိလာကြောင်း စစ်တပ်က အတည်ပြု ထုတ်ပြန်ခဲ့ပါတယ်။မေလ ၁၆ ရက်နေ့ မနက်အစောပိုင်းတုန်းက ရုရှားရဲ့ လေကြောင်း တိုက်ခိုက်မှု တစ်ခုကို တွန်းလှန်ဖို့ ကြိုးစားရင်း F-16 တစ်စီး ပျက်ကျခဲ့ကြောင်း ယူကရိန်းက ဆိုပါတယ်။ ဒါဟာ အမေရိကန်လုပ် အပေါ့စား တိုက်လေယာဉ်တွေကို ယူကရိန်းက စစ်ဆင်ရေးအတွက် စတင်အသုံးပြုခဲ့တဲ့ ၂၀၂၄ ခုနှစ်၊ ဩဂုတ်လနောက်ပိုင်း တတိယမြောက် ပျက်ကျမှု ဖြစ်လာပါတယ်။