မြန်မာ့ပင်လယ်ပြင်မှရရှိသည့် တိုက်ဂါးပုစွန်နှင့် မြိတ်ကျွန်းစုတွင် မွေးမြူထုတ်လုပ်သော ပနားမီးပုစွန်ဖြူတို့ ဈေးကောင်းရရှိနေပြီး ပြည်ပနိုင်ငံများသို့ နှစ်စဉ်တင်ပို့လျက်ရှိ

မြန်မာ့ရေသယံဇာတ ထွက်ကုန်များကို ပြည်တွင်းစားသုံးမှုဖူလုံစေရန်နှင့် ပြည်ပပို့ကုန်မှ နိုင်ငံခြားငွေရရှိရန် ထုတ်လုပ်တင်ပို့လျက်ရှိရာ ပင်လယ်ပြင်မှ ဖမ်းဆီးရမိသော ရေငန်တိုက်ဂါးပုစွန်များ ပြည်ပပို့ကုန်အဖြစ် ဈေးကောင်းရနေကြောင်းကြည့်မြင့် တိုင်စံပြငါးဈေး MNG ကုမ္ပဏီမှ သိရသည်။“ပင်လယ်ပြင်ကရတဲ့ပုစွန်ထဲမှာ တိုက်ဂါးပုစွန်ဟာ ပြည်ပဈေးကွက်မှာ ဈေးကောင်းရရှိတဲ့ ရေထွက်ကုန်ဆိုရင်လည်း မမှားပါဘူး။ ပြည်တွင်းမှာတော့ မရောင်းဘူး။ စက်လှေကချရင် ဒိုင်တွေက ကီလိုဈေးနဲ့ဝယ်ပြီး ပြည်ပကိုပို့ဖို့ ပိဿာပြန်ဖွဲ့ပြီးတော့ တစ်ပိဿာကို ကျပ်နှစ်သိန်းနီးပါးဈေးနဲ့ တင်ပို့ပါတယ်။