"မင်းထင်ရှားနှင့် အိမ်နံပါတ် ၆၆၆”ဇာတ်လမ်းတွဲ ရန်ကုန်မြို့အတွင်း ရိုက်ကူးရန်စီစဉ်နေ

လာမည့် မေလ ၂၂ ရက် တွင်

“မင်းထင်ရှားနှင့် အိမ်နံပါတ် ၆၆၆”ဟု အမည်ပေးထားသည့် ဇာတ်လမ်းတွဲကို ရန်ကုန်မြို့အတွင်း စတင်ရိုက်ကူးသွားရန်စီစဉ်ထားကြောင်း ဇာတ်ကားရိုက်ကူးရေးပိုင်းဆိုင်ရာ တာဝန်ရှိ သူများထံမှ သိရပါတယ်။အဆိုပါဇာတ်လမ်းတွဲမှာ Alice Animated Artistry Films Production ၏ Horror ဇာတ်လမ်းပုံစံမျိုးဖြစ် ပြီး အပိုင်း ၈ ပိုင်း ပါဝင်မည့် Mini Series မျိုးလည်းဖြစ်သည်။ ဇာတ်လမ်းတွဲတွင် ယွန်းသခင်က ဇာတ်ညွှန်းနှင့် ဇာတ် အိမ်ပြန်လည် တည်ဆောက်ခဲ့ပြီး ဇာတ်လမ်းနှင့် ဒါရိုက်တာအဖြစ် Alice (The witch) က ပုံဖော်ဖန် တီး သွားမှာဖြစ်ပါတယ်။ဇာတ်လမ်းတွဲအတွင်းတွင် ဟင်နရီစံ၊ ရဲမွန်၊ ရှင်မင်းဆက်၊ မေခွန်အား၊ မေသော်ချစ်(မှုံနံ့သာ)၊ ပန်းအင် ကြင်း၊ ဦးဝင်းမြိုင်၊ ခင်မို့မို့အေး၊ ထက်လင်း၊ ကလေးသရုပ်ဆောင် ဆန်းသစ်ဟိန်း၊ Special make up မမိုးသူ၊ ကြယ်ကလေးနှင့် သရုပ်ဆောင် များစွာမှ ပါဝင်အားဖြည့်ကြရန်စီစဉ်ထားပါတယ်။