ထားဝယ်မြို့တွင် ဆေးရုံတက်ပြီး သွေးသွင်းကုသရမည့်လူနာအချို့ ငွေကြေးပေးပြီး သွေးရှာရကြောင်း မြို့ခံများနှင့် သွေးအလှူရှင်အသင်းများထံမှ စုံစမ်းသိရှိရသည်။ပုဂ္ဂလိကဆေးရုံ၊ အစိုးရဆေးရုံအနီးဝန်းကျင်တွင် ကျက်စားနေသည့် သွေးရှာဖွေပေးသည့် အဖွဲ့တစ်ဖွဲ့ထံ သွေးတစ်လုံး ရရှိရန်အတွက် ငွေကျပ် သိန်းဂဏန်းပေးရကြောင်း သိရပါသည်။သွေးလိုအပ်သည့် လူနာပေးရသည့် ငွေကြေးမှာ စာအိတ်တစ်အိတ်လျှင် ကျပ်နှစ်သောင်းနှင့် အထက်တွင်ရှိကြောင်း စုံစမ်းသိရှိသည်။အဆိုပါအဖွဲ့သည် ဝန်ထမ်းအချို့နှင့် ပူးပေါင်း အချိတ်အဆက်လုပ်၍ သွေးသွင်းကုရမည့် လူနာများအပေါ် ငွေကြေး တောင်းခံနေသဖြင့် ဆေးရုံတာဝန်ရှိသူများကလည်း အကြိမ်ကြိမ်သတိပေးခဲ့ဖူးကြောင်း ကျန်မာရေး ဝန်ထမ်းအသိုင်း အဝိုင်းထံမှ စုံစမ်းသိရှိရသည်။
