မြောက်ကိုရီးယား၏ တိုက်ချင်းပစ် ဒုံးကျည်အရေအတွက် ၂၀၃၅ ခုနှစ်တွင် အစင်း ၅၀ အထိ မြင့်တက်လာနိုင်ကြောင်း အမေရိကန်ထောက်လှမ်းရေး အစီရင်ခံစာ ဖော်ပြ

အမေရိကန်ကာကွယ်ရေးဌာန၏ ထောက်လှမ်းရေးအေဂျင်စီတစ်ခု၏ မေလ ၁၃ ရက် ထုတ်ပြန်သော အစီရင်ခံစာအရ မြောက်ကိုရီးယားသည် ၂၀၃၅ ခုနှစ်တွင် နျူကလီးယားထိပ်ဖူး တပ်ဆင်နိုင်သော မြေပြင်အခြေစိုက် တိုက်ချင်းပစ်ဒုံးကျည် (ICBM) အစင်း ၅၀ အထိ ပိုင်ဆိုင်နိုင်ဖွယ်ရှိနေသည်။ကာကွယ်ရေးထောက်လှမ်းရေးအေဂျင်စီ (DIA) က အမေရိကန်တွင် လက်ရှိနှင့် အနာဂတ်တွင် ကြုံတွေ့ရနိုင်သော ခြိမ်းခြောက်မှုများဆိုင်ရာ အစီရင်ခံစာကို ထုတ်ပြန်ခဲ့ပြီး မြောက်ကိုရီးယား၊ တရုတ်၊ ရုရှားနှင့် အီရန်တို့မှ တိုးတက်ပြောင်းလဲလာသော ဒုံးကျည်ခြိမ်းခြောက်မှုများကို ထောက်ပြခဲ့သည်။