မွေးကင်းစ ကလေးကို ဖွတ်က ချီပြီး စားသွားမှု စမွတ်ပရာကန်မှာဖြစ်ပွား

စမွတ်ပရာကန် Bang Phli/ Soi King Kaew 28 မှာ မွေးကင်းစ အရွယ်ကလေးတစ်ယောက်ကို ဖွတ်တစ်ကောင်က ချီပြီးစားသွားတာ ‌‌ေမ၁၄ရက်နေ့က ဖြစ်သွားခဲ့ပါတယ်။ အဲ့နားဝန်းကျင်မှာ နေတဲ့ လူတွေက အတော်ကြီးမားတဲ့ ဖွတ်ကြီးတစ်ကောင် ကလေးလေးရဲ့ ခန္ဓာကိုယ် အစိတ်အပိုင်းကို ကိုက်ချီသွား (ခေါင်းမပါ) ကိုတွေ့တဲ့အတွက် ချက်ချင်းပဲ ကယ်ဆယ်ရေး အဖွဲ့တွေ အာဏာပိုင်တွေကို ဆက်သွယ်ခဲ့ပါတယ်။ ဒါပေမဲ့ ရောက်ရှိတဲ့အခါမှာ ကလေးရဲ့ခန္ဓာကိုယ်က ခေါင်းတစ်ခြား ကိုယ်တစ်ခြားဖြစ်နေပြီး ခေါင်းကိုတော့ ဖွတ်က လမ်းမပေါ်မှာ ချခဲ့သလို၊ ကိုယ်အပိုင်းကိုတော့ ဆက်လက်သယ်သွားနေတာတွေ့ခဲ့ရပါတယ်။ ကယ်ဆယ်ရေးတပ်ဖွဲ့ ဝင်တွေက ကလေးရဲ့ခန္ဓာကိုယ် အစိတ်အပိုင်းကို ကယ်ဖို့ ကြိုးစားပေမယ့် အဆင်မပြေခဲ့ပါဘူး။