တောင်ကြီးမြို့တွင် ဆယ်ဘီးကုန်ကား တောင်မှမြောက်သို့ နောက်ပြန်လှိမ့်ဆင်းပြီး ရှိုင်းဂတ်စ်ဆိုင်ထဲသို့ ဝင်မိ၊ ဆိုင်ခန်းများ ပျက်စီးပြီး လူထိခိုက်မှု မရှိ

၁၄-၅-၂၀၂၅ ည ၇ နာရီကျော်ခန့်က တောင်ကြီးမြို့၊ အနောက်မြို့ပတ်လမ်းရှိ ထွန်းထွန်းရေတိုင်ကီအနီးတွင် ဆယ်ဘီးကုန်အပြည့်ကားတစ်စီး တောင်မှမြောက်သို့ နောက်ပြန်လှိမ့်ဆင်းလာကာ လမ်းအရှေ့ဘက် ချစ်ပန်းသဇင် ဆယ်ထပ်တိုက်အနီးရှိ ရှိုင်းဂတ်စ်ဆိုင်ထဲသို့ ဝင်မိခဲ့သည်။ဤထိခိုက်မှုကြောင့် ဆိုင်ခန်းအချို့ ပျက်စီးမှုဖြစ်ပေါ်ခဲ့ပြီး၊ ကောင်းမွန်စွာဖြင့် လူထိခိုက်မှုမရှိကြောင်း သိရသည်။မော်တော်ယာဉ်ထိန်းချုပ်မှုနှင့် လုံခြုံရေးဆိုင်ရာ အာဏာပိုင်များက ဖြစ်စဉ်အပေါ် ဆက်လက်စုံစမ်းစစ်ဆေးနေကြောင်း ဆိုပါသည်။