ဘန်ကောက်တွင် ဆိုဖာစက်ရုံ၌ အလုပ်အတူလုပ်ကိုင်သည့် မြန်မာအမျိုးသမီးတစ်ဦးကို တဖက်သတ်ကြိုက်နေသူ မြန်မာအမျိုးသားက အဓမ္မပြုကျင့်

ထိုင်းနိုင်ငံ၊ ဘန်ကောက်မြို့၊ ဘန်ဘော အမှတ် (၅) နယ်မြေ၊ လမ်းသွယ် (၁) တွင် ဆိုဖာစက်ရုံ၌ အလုပ်အတူလုပ်ကိုင်သည့် အသက် ၂၇ နှစ်အရွယ် မြန်မာအမျိုးသမီးတစ်ဦးကို တဖက်သတ်ကြိုက်နေသူ မြန်မာအမျိုးသားတစ်ဦးက အဓမ္မပြုကျင့်ခဲ့ကြောင်း သိရသည်။ပြီးခဲ့သည့် မေလ ၁၁ ရက် နေ့လယ် ၁ နာရီခွဲအချိန်ခန့်က နစ်နာသူအမျိုးသမီး နေထိုင်သည့် အခန်းသို့ သူမအား တဖက်သတ်ကြိုက်နေသူ စိုးမိုးကျော်ရောက်ရှိလာပြီး အဓမ္မပြုကျင့်ကာ ထွက်ပြေးသွားကြောင်း နစ်နာသူ၏ မိသားစုဝင်တစ်ဦးက ပြောသည်။အမျိုးသမီးမှာ ဘန်ကောက်မြို့၊ လွမ်ဖော့ထဝီစတ် ချုတင်ထရို အုထစ် ဆေးရုံကြီး၌ ခွဲစိတ်မှုပြုလုပ်ကာ အရေးပေါ် ဆေးကုသမှုခံယူနေရပြီး စိုးရိမ်ရသည့် အခြေအနေတွင်ရှိကြောင်း သိရသည်။