ပြည်တွင်းမှာ မျိုးသုဉ်းရန်အန္တရာယ်ရှိနေသည့်ငှက်မျိုးစိတ်များကို ထိန်းသိမ်းမှုပိုမိုလုပ်ဆောင်ရန် ပညာရှင်များ ဆော်ဩ

မြန်မာနိုင်ငံရှိ ငှက်မျိုးစိတ်ပေါင်း ၁,၀၀၀ ကျော်ထဲတွင် မျိုးသုဉ်းလုနီးပါးအန္တရာယ်ရှိနေသည့် မျိုးစိတ်နှင့် မျိုးသုဉ်း ရန်အန္တရာယ်ရှိနေသောမျိုးစိတ် စုစုပေါင်း ၂၈ မျိုးရှိကြောင်း သိရပါတယ်။ သို့ရာတွင် မျိုးသုဉ်းသွားပြီဟု ယူဆထားသည့် Pink-headed Duck ကိုဖယ်လိုက်ပါက မျိုးသုဉ်းရန် အန္တရာယ်ရှိ နေ သည့် ငှက်မျိုးစိတ်၂၇ မျိုးရှိပြီး ယင်းငှက်မျိုးစိတ်များထဲတွင် ဌာနေငှက်မျိုးစိတ်နှင့် ဆောင်းခိုငှက် မျိုး စိတ်များ ပါ ဝင်ကြောင်း သိရပါတယ်။ကမ္ဘာပေါ်၌ ငှက်မျိုးစိတ်ပေါင်း တစ်သောင်းကျော်ရှိပြီး မြန်မာနိုင်ငံတွင် အဆိုပါငှက်မျိုးစိတ်အားလုံး၏ ၁၀ ရာခိုင် နှုန်းဖြစ်သော ငှက်မျိုးစိတ် ၁,၀၀၀ ကျော် နေထိုင်ကျက်စားလျက်ရှိကြောင်း သိရပါတယ်။