မွန်ပြည်နယ်ကျိုက်မရောတွင် ရေဘေးကြောင့် ထိခိုက်ခံစားခဲ့ရသော အိမ်ထောင်စုများကို ကြက်ခြေနီမှငွေသားထောက်ပံ့ ကူညီခဲ့

မေလ(၁၂)ရက်နေ့နှင့် မေလ(၁၃)ရက်နေ့များတွင်

မြန်မာနိုင်ငံကြက်ခြေနီအသင်းသည် သဘာဝဘေးအန္တရာယ်များကြောင့် ထိခိုက်ခံစားရသူများကို လူသားချင်းစာနာမှုအကူအညီများပေးလျက်ရှိရာ မွန်ပြည်နယ် ကျိုက်မရောမြို့နယ်တွင် ၂၀၂၄ခုနှစ်၊ ဩဂုတ်လအတွင်းက ရေဘေးအန္တရာယ် ဆိုးရွားစွာ ခံစားခဲ့ရသည့် ရပ်ကွက်နှင့် ကျေးရွာများဖြစ်သော ရန်မျိုးအောင်ရပ်ကွက်၊ ဦးလေးကျေးရွာ၊ နိတုံကျေးရွာ၊ ပိန်းနဲကုန်းကျေးရွာနှင့် ခနောင်ကျေးရွာများမှ ရေဘေးသင့် အိမ်ထောင်စုများအား ငွေသား ထောက်ပံ့ကူညီခဲ့ပါတယ်။ထောက်ပံ့ရာတွင် အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများဖက်ဒရေးရှင်း၏ ကူညီပံ့ပိုးမှုဖြင့် မြန်မာနိုင်ငံကြက်ခြေနီအသင်းမှ ထောက်ပံ့ခြင်းဖြစ်ပြီး အဆိုပါရပ်ကွက်/ကျေးရွာများမှ ရေဘေးသင့် အိမ်ထောင်စု ပေါင်း(၄၄၃)စုအား အသင်း၏ သတ်မှတ်စံနှုန်းများနှင့်အညီ အိမ်ထောင်စု(၁)စုလျှင် ငွေသား ကျပ် လေးသိန်းတိတိ (၄၀၀,၀၀ဝိ/)ကို ကျိုက်မရောမြို့နယ်တွင် ကြက်ခြေနီစေတနာလုပ်အားရှင်များက ရေဘေးသင့်ပြည်သူများ လက်ဝယ်အရောက် ထောက်ပံ့ ပေးခဲ့ခြင်းလည်းဖြစ်ပါတယ်။