ငလျင်သင့်ဒေသ (၃)နေရာရှိ ပြန်လည်အသုံးပြုနိုင်သည့် အဆောက်အအုံ (၁၄,၆၀၄) လုံး ရှိဟုဆို

ငလျင်သင့်ဒေသ (၃)နေရာဖြစ်သည့် မန္တလေး ၊ စစ်ကိုင်းနှင့် နေပြည်တော်တို့တွင် ပြန်လည်အသုံးပြုနိုင်သည့်အဆောက်အအုံ စုစုပေါင်း (၁၄၆၀၄) လုံး ရှိကြောင်း မြန်မာနိုင်ငံ ငလျင်ကော်မတီထံမှ သိရသည်။ ယင်းသည် ပျက်စီးဆုံးရှုံးမှုများအနက် (၇၅)ရာခိုင်နှုန်းသော ပြန်လည်အသုံးပြုနိုင်သည့် အဆောက်အအုံ ပမာဏာဖြစ်ပြီး အသေးစိတ် စစ်ဆေးရန် လိုအပ်သည့် အဆောက်အအုံ စုစုပေါင်း (၃၀၀၀)လုံး နှင့် အကြီးစားပြန်လည်ပြင်ဆင်ရန်နှင့် ငလျင်အားဖြည့် မွမ်းမံရန် လိုအပ်သည့် အဆောက်အအုံ စုစုပေါင်း (၁၉၅၄) လုံးခန့်ရှိကြောင်း ဆိုသည်။