အမေရိကန်နှင့် ကမ္ဘာ့နိုင်ငံများကြား ကုန်သွယ်ရေးပဋိပက္ခမြင့်တက်လျက်ရှိစဉ် ပြည်ပနိုင်ငံများမှ ဝင်ရောက်လာသည့် ရုပ်ရှင်ဇာတ်ကားများကို အခွန် ၁၀၀ ရာခိုင်နှုန်းကောက်ခံမည်ဟု အမေရိကန်သမ္မတဒေါ်နယ်ထရန့်က မေလ ၄ ရက်တွင် ကြေညာလိုက်သည်။ အမေရိက၏ရုပ်ရှင်နယ်ပယ်သည် အလျင်အမြန်ပျက်စီးလာသည့်အတွက် နိုင်ငံခြားဇာတ်ကားများကိုအခွန်ကောက်ရေး စတင်အကောင်အထည်ဖော်ရန် ပြည်ပကုန်သွယ်ရေး ပေါ်လစီများကိုစီမံကိုင်တွယ်သည့် US Trade Representative ဌာနအား သမ္မတထရန့်က ညွှန်ကြားထားသည်။
