အကောက်ခွန်ဦးစီးဌာနမှ မန္တလေးမြို့၊ မြိတ်မြို့နှင့် ကော့သောင်းမြို့တို့တွင် MACCS ( Myanmar Automated Cargo Clearance System ) မြန်မာ့ကုန်ပစ္စည်း အလိုအလျောက် ရှင်းလင်းရေးစနစ်ကို ယခု ဧပြီလတွင် စတင် ကျင့်သုံးပြီ ဖြစ်ကြောင်း ထုတ်ပြန် ကြေညာထားသည်။ထိုနောက် အကောက်ခွန်ဦးစီးဌာနမှ MACCS စနစ် အကောင်အထည်ဖော် ဆောင်ရွက်ခဲ့မှု မှတ်တမ်းဗီဒီယိုအား ပြသ၍ ကော့သောင်းမြို့၊ မြိတ်မြို့နှင့် မန္တလေးမြို့များတွင် MACCS စနစ် စတင်အသုံးပြုခြင်း အထိမ်းအမှတ်အနေဖြင့် တစ်ပြိုင်တည်း ဖဲကြိုးဖြတ် ဖွင့်လှစ်ခဲ့သည်။
