လီဗာပူးလ်အသင်း ပရီးမီးယားလိဂ်ချန်ပီယံဖြစ်ပြီးနောက် ပရိသတ်များ၏ အောင်ပွဲခံမှုကြောင့် အသေးစားငလျင်ကဲ့သို့ တုန်ခါမှုများဖြစ်ပေါ်ခဲ့ကြောင်း သိရသည်။ဧပြီ ၂၇ ရက်က ယှဉ်ပြိုင်ကစားသည့် ပွဲစဉ် ၃၄ တွင် လီဗာပူးလ်အသင်းက စပါးအသင်းအား အိမ်ကွင်း၌ (၅-၁) ဂိုးဖြင့် အနိုင်ရပြီးနောက် လက်ကျန်လေးပွဲအလိုမှာပင် ချန်ပီယံဖြစ်ခဲ့သည်။ လီဗာပူးလ်တက္ကသိုလ်မှ သိပ္ပံပညာရှင်များက ပရိသတ်များ၏ အောင်ပွဲခံမှုကြောင့် ဖြစ်ပေါ်လာသည့် တုန်ခါမှုပြင်းအားကို ငလျင်လှုပ်ခတ်မှုစစ်ဆေးသည့် စက်ကိရိယာများအသုံးပြု၍ စစ်တမ်းကောက်ယူခဲ့ခြင်းဖြစ်သည်။အဆိုပါစစ်တမ်းအရ (၂-၁) ဂိုးဖြင့် ပြန်လည်ဦးဆောင်ခွင့်ရမည့်ဂိုးကို အယ်လစ္စတာ သွင်းယူပြီးနောက် အောင်ပွဲခံမှုကြောင့် ရစ်ချ်တာစကေး ၁ ဒသမ ၇၄ အဆင့် တုန်ခါမှုဖြစ်ပေါ်ခဲ့ကြောင်း သိရသည်။
