ကန်-တရုတ် ထိပ်တိုက်တွေ့မှု၏ သက်ရောက်မှုကို ဦးစားပေး ကိုင်တွယ်မည်ဟုသြစတြေးလျအစိုးရ ပြောကြား

တကျော့ပြန်ရွေးကောက်ခံခဲ့ရသော သြစတြေးလျ အစိုးရအနေဖြင့် အမေရိက-တရုတ် ကုန်သွယ်ရေးစစ်ပွဲ၏ ထိခိုက်သက်ရောက်မည့်အရေးကို ဦးစားပေးဆောင်ရွက်မည်ဖြစ်ကြောင်း ဘဏ္ဍာရေးမှူး Jim Chalmers က မေလ ၄ ရက် နေ့တွင် ပြောကြားလိုက်သည်။ဆယ်စုနှစ် ၂ ခုအတွင်း သက်တမ်းနှစ်ကြိမ်ဆက် အနိုင်ရသည့် ပထမဆုံး သြစတြေးလျဝန်ကြီးချုပ်ဖြစ်သည့် လေဘာပါတီခေါင်းဆောင် အန်သိုနီ အယ်လ်ဘာနီးစ်က မေ ၄ ရက်တွင် မှတ်ချက်ပြု ပြောကြားခဲ့ရာ၌ စည်းကမ်းရှိ၍ စည်းစနစ်ကျသော အစိုးရတစ်ရပ်ဖြင့် ဖွဲ့စည်းအုပ်ချုပ်သွားမည်ဟု ကတိပြုခဲ့ကာ သြစတြေးလျနိုင်ငံသားများသည် စည်းလုံးညီညွတ်မှုအတွက် မဲပေးခဲ့ကြသည်ဟု မှတ်ချက်ပြုခဲ့သည်။