မေမြို့မှာ မိုးသည်းထန် ရွာပြီး ရေကြီး၊တောင်ကျရေတွေ ပုသိမ်ကြီးဆည်တော်လေးနဲ့ အုန်းချောဘက် စီးလာ၊

မန္တလေးတိုင်း မေမြို့မှာ မေလ ၄ရက် ဒီကနေ့ မနက်ပိုင်း မိုးသည်းထန် ရွာသွန်းကာ ရေကြီးပြီး တောင်ကျရေတွေပါ စီးလာတယ်လို့ မြို့ခံတွေက ပြောပါတယ်။မေမြို့ သုံးတောင်နဲ့ ကျင်ဂနိုင်ရွာတွေဘက်မှာ မိုးရွာ၊ ရေကြီးလို့ တောင်ကျရေတွေ စီးတာလို့ ဆိုပါတယ်။အဲ့ဒီ တောင်ကျရေတွေဟာ ပုသိမ်ကြီးမြို့နယ် ဆည်တော်လေးနဲ့ မေမြို့ - မန္တလေးလမ်း ၁၆ မိုင်ဂိတ် အနီးက အုန်းချောရွာဘက်ကို စီးလာလို့ ဒေသခံတချို့ ရေဘေးလွတ်ရာ ရှောင်နေရတယ်လို့ ဆိုပါတယ်။