ချန်ပီယံ လီဗာပူးအသင်းကို ဂုဏ်ပြုထိုက်ဟု ချဲလ်ဆီးနောက်ခံလူ ကူကူရယ်လာ ပြော

ပရီးမီးယားလိဂ်ချန်ပီယံလီဗာပူးအသင်းဟာ ဂုဏ်ပြုမှုနဲ့ ထိုက်တန်ကြောင်း ချဲလ်ဆီးနောက်ခံလူ ကူကူရယ်လာက ပြောသွားပါတယ်။ချဲလ်ဆီးအသင်းဟာ ဒီကနေ့ တနင်္ဂနွေနေ့မှာကစားမယ့် လီဗာပူးနဲ့ပွဲစဉ်မှာ ကွင်းထဲဝင်လာမယ့် လီဗာပူးအသင်းကို ချန်ပီယံအသင်းအဖြစ် လက်ခုပ်တီးပြီး ဂုဏ်ပြုပေးရမှာပါ။လီဗာပူးအသင်းက ချန်ပီယံဆုဖလားရယူနိုင်တဲ့အသင်း ဖြစ်တာကြောင့် ပွဲမစခင်မှာ လိုအပ်လို့ လက်ခုပ်တီး ဂုဏ်ပြုရမှာက ထိုက်တန်ကြောင်း၊ ပွဲစတင်တာနဲ့ တပြိုင်နက်မှာတော့ မိမိတို့ရဲ့ ရည်မှန်းချက်အတွက် တိုက်ခိုက်သွားရမှာဖြစ်ကြောင်း ကူကူရယ်လာက ပြောပါတယ်။