ဟွန်ဒိုင်းသည် အိန္ဒိယတွင် ထိပ်တန်း(၃) ကားအရောင်းစာရင်းမှ ပျောက်ကွယ်သွား

ဟွန်ဒိုင်းသည် အိန္ဒိယကားစျေးကွက်၏ အရောင်းရဆုံးထိပ်တန်း(၃) စာရင်းဝင် ဖြစ်ခဲ့ရာမှ ယခုဘဏ္ဍာနှစ်သစ်၏ ပထမလတွင် ထိပ်တန်း(၃) စာရင်း အပြင်ဘက်သို့ ရောက်သွားသည်။ ထိပ်တန်း(၃) စာရင်းတွင် Maruti Suzuki သည် အစဉ်အလာမပျက် ပထမနေရာကို ဆက်လက် ရယူထားသည်။ အိန္ဒိယ ကားလုပ်ငန်း Mahindra & Mahindra က ဒုတိယနေရာ ရသည်။ အိန္ဒိယ ကားလုပ်ငန်း Tata Motors က တတိယနေရာရသည်။ ဧပြီလတွင် Mahindra သည် ၅၂,၃၃၀ စီး ရောင်းချခဲ့သည်။ SUV မော်ဒယ်များ ဖြစ်ကြသည့် ScorpioN, Thar, XUV တို့ ရောင်းအား ကောင်းသည်။ အီးဗီမော်ဒယ်များ ဖြစ်ကြသည့် XEV9e နှင့် BE6 တို့ အနည်းအကျဉ်းသာ ရောင်းရသည်။