တရုတ်နိုင်ငံအစိုးရမှ (၁၁)ကြိမ်မြောက်အဖြစ် မန္တလေးငလျင်ကြီးဒဏ်သင့်ဒေသများသို့ထောက်ပံ့လှူဒါန်းသည့် Prefabricated ရုံးခန်းနှင့် ဆက်စပ်ပရိဘောဂ (၃၄၀)စုံအား ယနေ့ မေ ၃ ရက်တွင် ရန်ကုန်တိုင်းဝန်ကြီးချုပ်ဦးစိုးသိန်းထံသို့ မြန်မာနိုင်ငံဆိုင်ရာ တရုတ်သံရုံးမှ သံမှူး Mr. Ouyang Daobing က သီလဝါဆိပ်ကမ်း၌ လွှဲပြောင်းပေး အပ်ခဲ့ကြောင်း သိရသည်။အဆိုပါ အရေးပေါ် လူသားချင်းစာနာမှုဆိုင်ရာ ငလျင်ကယ်ဆယ်ရေးထောက်ပံ့ရေးပစ္စည်းများဖြစ်သော Prefabricated ရုံးခန်းနှင့် ဆက်စပ်ပရိဘောဂ (၃၄၀)စုံသည် မေ ၂ ရက်ညပိုင်းက ရန်ကုန်မြို့ရှိ သီလဝါဆိပ်ကမ်းသို့ဆိုက်ရောက်လာခဲ့ခြင်းဖြစ်သည်။
