သခွားသီးတင်ဆောင်သောကားအတွင်း လိုက်ပါလာသည့် မြန်မာနိုင်ငံသားလေးဦး ဖမ်းဆီးခံရ

မဲဆောက်မှဘန်ကောက်သို့ ဝင်ရောက်ရန်အတွက် သခွားသီးတင်ဆောင်သေားကားအတွင်း သိုဝှက်လိုက်ပါလာသူ မြန်မာနိုင်ငံသားလေးဦး ဖမ်းဆီးခံခဲ့ရကြောင်း သိရသည်။မေလ ၂ ရက် ညနေ ၄ နာရီခန့်က မဲဆောက်မြို့အထွက် ဟွေ့ဟင်ဖွန် အဖွဲ့စုံစစ်ဆေးရေဂိတ်တွင် တာဝန်ရှိသူများက သခွားသီးအိပ်များတင်ဆောင်လာသည့်ကားကို စစ်ဆေးစဉ် ဖမ်းဆီးရမိခြင်းဖြစ်သည်။အဆိုပါ ဖြစ်စဉ်နှင့် ပတ်သတ်ပြီး ထိုင်းကုန်တင်ယာဉ်မောင်းနှင့် ဖမ်းဆီးခံမြန်မာနိုင်ငံသားများအား ထိုင်းတာဝန်ရှိသူများက ဥပဒေနှင့် အညီအရေးယူဆောင်ရွက်သွားမည်ဖြစ်ကြောင်းသိရသည်။