ဘောလိဝုဒ်မင်သား Salman Khan ရုပ်ရှင်လောကထဲ စဝင်တဲ့ ချိန်တုန်းက သူ့အဖေ စာရေးဆရာ Salim Khan ရဲ့ သားဆိုပြီး သူ့ဘဝဟာ တခြားမင်းသားတွေလို ချောချောမောမော ဖြစ်မနေခဲ့ပါဘူး။“လူတွေက ရုပ်ရှင်စရိုက်ရမှ ကြိုးစားမယ်လို့ ပြောကြတယ်။ ဒါပေမယ့် ကျွန်တော်ကတော့ ဒီလောကထဲ မဝင်ခင်ကတည်းက အဲဒီ့ထက် ပိုတဲ့ ကြိုးစားမှုတွေ အများကြီး လုပ်ခဲ့ရပါတယ်။ Salman Khan က သူ့ရဲ့ အရမ်းအောင်မြင်ခဲ့တဲ့ “Maine Pyar Kiya” ရုပ်ရှင်ပြီးတော့ ခြောက်လလောက် အလုပ်မရှိခဲ့ဘူးလို့ ပြန်ပြောပြပါတယ်။ ဒီလိုတွေ အလုပ်လက်မဲ့ဖြစ်နေတဲ့ Salman Khan ကို သူ့အဖေက ရုပ်ရှင်ထုတ်လုပ်သူတစ်ယောက်ကို ရူပီး၂၀၀၀ ပေးလိုက်ပြီး ဒီမင်းသား ကားအသစ်လက်ခံပြီဆိုပြီး သတင်းဖြန့်ခိုင်းလိုက်ပါတယ်။ ဒီသတင်းကို ရုပ်ရှင်မဂ္ဂဇင်းထဲမှာ ထည့်ခိုင်းကြော်ငြာခဲ့ပေမယ့် ဘယ်သူမှ ရုပ်ရှင်ရိုက်ဖို့ လာမကမ်းလှမ်းခဲ့ပါဘူး။ ဒီလိုနဲ့ နောက်ဆုံး ရုပ်ရှင်ထုတ်လုပ်ရေး ဂုရုကြီးဖြစ်တဲ့ Ramesh Taurani စီကိုသွားပြီး ရူပီး ၅ သိန်းပေးလိုက်မှ Patthar Ke Phool (1991) ရုပ်ရှင်ကို ရိုက်ကူးခွင့်ရခဲ့တာဖြစ်ပါသည်။
